|
Casa Histórica
Como Casa Histórica, vinculada aos bens eclesiásticos e residencia
habitual de curas, durante séculos, a Rectoral
de Romeán é unha mostra da arquitectura
tradicional galega e dos modos de facer, e de vivir, da curia rural.
Nun volume construído total de máis de 500 metros cadrados, conta cun total
de 24 prazas autorizadas en varias habitacións, ademais de salóns, biblioteca,
cociña, cuartos de baño e outras dependencias de estancia e relaxación.
Restaurada con mimo e total respecto, conservando exactamente todos os
espazos orixinais en detrimento do número posible de habitacións,
preséntase como un Albergue altamente exclusivo e singular, tanto pola súa
historia como polas características da súa restauración.
O resultado é un traballo ben feito, unha casa aberta e familiar,
acolledora e especial, para esquecerse de todo e gozar da tranquilidade do
campo e da natureza.
Para a súa xestión, dividimos a antiga Rectoral en tres grandes seccións
(zona Azul, zona Verde e zona Amarela), que comparten os espazos comúns.
|
